⌕
Home / Christian Songs / Songs

vinnaga nilavo

விண்ணக நிலவோ தேவனின் மகவோ

Tamil Christian song lyrics in Tamil script and English letters (Tanglish).

விண்ணக நிலவோ தேவனின் மகவோ
இப்பூவில் உதித்ததுவோ
பனிவிழும் இரவில் மழலையின் குரலோ
எங்கெங்கும் ஒலித்ததுவோ
ஒளிதரும் நிலவாய் பூவுலகில் வந்தாரே
பாவ இருள் போக்க வையம் வந்தாரே
மலர்ந்திடும் மலராய் பூவுலகில் வந்தாரே
மன இருள் போக்க மண்ணில் வந்தாரே
தூதரும் பாடிட பாலனாக வந்தாரே
ஆயர் மகிழ்ந்திட தேவன் வந்தாரே
மழலை உருவிலே மன்னவரும் வந்தாரே
மனதின் இருள் நீக்கவே
அன்பின் உருவாக வந்ததும் ஏனோ
பாரில் எனக்காக பிறந்ததும் ஏனோ
பாதை காட்டி என்னை நடத்திடத் தானோ
பாவி எனையும் நீர் மீட்டிடத் தானோ
உயிரின் உறவாய் உலகின் ஒளியாய்
என் வாழ்வின் விடி வெள்ளியாய்
அகிலம் அழகாகவே பிறந்தீரே
அன்பின் உருவாகவே பிறந்தீரே
ஆதியும் அந்தமும் ஆனவர் நீரே
ஆயுள் வரை எம்மைக் காப்பவர் நீரே
அல்பா ஓமேகாவும் ஆனவர் நீரே
அன்னை போல் என்னை அணைப்பவர் நீரே
உயிரின் உறவாய் உலகின் ஒளியாய்
என் வாழ்வின் விடிவெள்ளியாய்
அகிலம் அழகாகவே பிறந்தீரே
அன்பின் உருவாகவே பிறந்தீரே