saththiyam sonnavarukku – Sathyam sonavarku

சத்தியம் சொன்னவருக்கு

Written / sung by

Velam Karunakaran

Tamil Christian song lyrics in Tamil script and English letters (Tanglish).

சத்தியம் சொன்னவருக்கு – Sathyam sonavarku

சத்தியம் சொன்னவருக்கு

சிலுவை தான் பரிசு ! – அந்த

சிலுவையை சுமப்பவர்க்கு

நித்தியம் அவர் அரசு !

1.உலகுக்கு ஒளி ஒன்று மனுவுருவில் வந்தது !

மண்ணுக்கு பேரொளியை தன்னுருவில் தந்தது !

கண்ணுக்குள் மெய்யொளியை கருணையுருவில் சுமந்தது !

அன்பெனும் சுடரொளியை அகிலமெல்லாம் நிறைத்தது ! – சத்தியம்

2.அலைமோதும் நெஞ்சினுக்கு அமைதியை கொடுத்தது !

அஞ்சுகின்ற பாவத்திற்கு தஞ்சமென கொண்டது !

நிலையிழந்து தவித்தவருக்கு நிம்மதியை நிறைந்தது !

சிலுவை மரத்தில் தொங்கியே ஜீவனை அளித்தது ! – சத்தியம்