⌕
Home / Christian Songs / Songs

Iraiva Oru Varam Vendumae

இறைவா ஒரு வரம் வேண்டுமே
Collections
Roman Catholic Songs
Written / sung by
Poet.VictorDoss. photo Poet.VictorDoss.

Tamil Christian song lyrics in Tamil script and English letters (Tanglish), from the Roman Catholic Songs collection.

இறைவா ஒரு வரம் வேண்டுமே,..
தினமும் உனைப்பாடும் அருள் வேண்டுமே..
மலர் போல மனம் வேண்டுமே …
மெழுகாய் ஒளிவீசும் குணம் வேண்டுமே…
எத்தனை அழகு, எத்தனை சிறப்பு ,இறைவா உன் படைப்பு
இப்புவி மீது, ஏன் என்னை படைத்தாய், அதுதான் என் வியப்பு
விண்ணகம் இருந்து, மண்ணகம் வந்தாய், எப்படி அந்தக் கனிவு.
அப்பனே உன்னை, அப்பமாய் தந்த, அன்பிற்கு சமமா உலகு. – இறைவா…
காலையில் கிழக்கில் பூக்கிற கதிரில் உன் முகம் பார்க்கிறேன்
தாய்விரல் போல கோதிடும் காற்றில் உன் குரல் கேட்கிறேன்
தோட்டத்தின் பூவின் வாசத்தில் உந்தன் தோற்றதைப் பார்க்கிறேன்
வாழையைப் பார்க்கும் போதெல்லாம் உந்தன் வாழ்க்கையைப் பார்க்கிறேன்
இலை கொண்டு மரங்கள் கையைத் தட்டும்
வண்டு வந்து பூவில் மெட்டுக் கட்டும்
நன்றி சொல்லி பறவை பாடி நிற்கும்
நானும் உன்னைப் பாடுவேன்
தனியாக நதிகள் பேசிச் செல்லும்
நாணல் கூடத் தலையை ஆட்டிக்கொள்ளும்
தாள்பணிந்துத் தொழுது அன்பைச் சொல்லும்
நானும் உன்னைப் பேசுவேன் – எத்தனை….
தண்ணீரின் மீது கைகளை வைத்தாய் ரசமாய் ஆனது
பூங்கடல் மீது பார்வையை வைத்தாய் புயலும் போனது
பாவத்தின் மரத்தை தோள்களில் வைத்தாய் சிலுவை பூத்தது
எங்களுக்காக உன்னையே வைத்தாய் மீட்பு வாய்த்தது
வெறுத்தாலும் அன்பு செய்யச் சொன்னாய்
வீழும்போதும் உண்மை சொல்லக் சொன்னாய்
தப்பு செய்த பெண்ணை அன்பு கொண்டு
மன்னித்து நீ மாற்றினாய்
நோயென்றால் மருந்தாய் ஓடி வந்தாய்
ஏழையென்றால் விருந்தாய் தேடிவந்தாய்
மந்தைபோல உன் முன் வந்து நின்றோம்
தந்தைப் போல தேற்றினாய் – எத்தனை