⌕
Home / Christian Songs / Songs

vinnulaka thevan mannulakam vanthar

மண்ணுலகம் வந்த தேவன்
Collections
Christmas Songs

Tamil Christian song lyrics in Tamil script and English letters (Tanglish), from the Christmas Songs collection.

விண்ணுலக தேவன் மண்ணுலகம் வந்தார்,
பூமியில் சமாதானம் தரப் பிறந்தார்.
தூதர்கள் பாடிட, மேய்ப்பர்கள் போற்றிட,
இரட்சகர் இயேசு பிறந்துவிட்டார் – 2
இயேசு அதிசயமானவர் இவர்தானே!
இயேசு ஆலோசனைக் கர்த்தர் இவர்தானே!
கர்த்தாதி கர்த்தரும், வல்லமை தேவனும், நித்திய பிதாவும் இவர்தானே!
தீர்க்கன் முன்னுரைத்த வாக்குப்படி இயேசு பாலகனாய் பிறந்துவிட்டார்
இம்மானுவேலர் நம்மோடிருக்க நம் பாவங்களை போக்கிவிட்டார் – 2
பாவங்கள் போக்கினார், சாபங்கள் நீக்கினார்,
இரட்சிப்பின் சந்தோஷம் நமக்கு தந்தார் – 2
அன்று மேய்ப்பர்கள் மந்தையை காத்திருக்க
தூத சேனைகளெல்லாம் வாழ்த்திப் பாடிட
இயேசு இரட்சகராய் பிறந்துவிட்டார், நம் சாபங்களை நீக்கிவிட்டார் – 2
தாவீதின் ஊரிலே பெத்லகேமிலே
நமக்காய் இயேசு அவதரித்தார் – 2
விண் மீன்கள் வழி நடத்திடவே
வான சாஸ்திரிகள் பின்தொடர்ந்திடவே
தேவகுமாரன் இயேசு பிறந்துவிட்டார், நம் நோய்களெல்லாம் சுகமாக்கிவிட்டார்
இரட்சகர் பிறந்திட்டார், இரட்சிப்பை தந்திட்டார்,
உன்னத அருணோதயம் உதித்துவிட்டார்