⌕
Home / Christian Songs / Songs

Urumi Adi Urakka Adi Lyrics

உருமி அடி உரக்க அடி
Collections
Christmas Songs
Written / sung by
Edward Johnson photo Edward Johnson

Tamil Christian song lyrics in Tamil script and English letters (Tanglish), from the Christmas Songs collection.

உருமி அடி உரக்க அடி
ஊர கூட்டி ஓங்கி அடி
உசுர காக்கிற சாமி
பொறந்த சேதி சொல்லி அடி…
கரகாட்டம் ஒயிலாட்டம்
பறையாட்டம் ஆடி அடி
இருளை நீக்குற சாமி
இறங்கி வந்தார் சொல்லி அடி (2)
சாதி கண்ணை மறைக்கும் கூட்டத்துக்கு கேட்கணும்
சமய போதையில விழுந்த
சனம் தெளியனும் – 2
1. அன்பில்லாத மனிதம் இப்போ பண்பில்லாத மிருகம் ஆச்சு
அன்னை இல்லா குழந்தைபோல எங்க நிலை மாறி போச்சு – 2
குலத்தொழிலும் மாறல
குறுக்கு சுவரும் நீங்கல
பள்ளத்தில விழுந்தாலும் வெள்ளத்தில போனாலும்
பதுக்குற கூட்டத்தோட
பணத்தாசை தீரவில்லை – உருமி அடி
2. ஆண்டவரே உம் பொறப்பு அணையாத விளக் ஆச்சு
ஆகாச உறவு தந்த
அளவில்லா விருந்தாச்சு
வழியாக வாய்மையாக
வாழ்வாக வந்தீர் ஐயா
ஓதுவோரும் ஒதுங்கனும்
உங்க ஆட்சி மலரனும்
ஒடுங்கிய சனமெல்லாம்
ஒசந்து நல்லா வாழனும் – உருமி அடி
Urumi Adi Urakka Adi Lyrics , உருமி அடி உரக்க அடி பாடல் வரிகள்