⌕
Home / Christian Songs / Songs

kannana kanne kanni mari ponne

கண்ணான கண்ணே கன்னி மரி
Collections
Christmas SongsRoman Catholic Songs

Tamil Christian song lyrics in Tamil script and English letters (Tanglish), from the Christmas Songs and Roman Catholic Songs collection.

கண்ணான கண்ணே கன்னி மரி பொன்னே
கனிவான என் செல்வமே
பண்பாகும் நெஞ்சில் பரிசாக மண்ணில்
மெய்கொண்ட விண் தெய்வமே – என்
மனதோடு மழையாக நீ வீழ்கிறாய்
என் வாழ்வில் வளமாகிறாய் (2)
கிடைக்காக்கும் இடை மாந்தர் உனை நாடினார் – நீ
கடையோரைக் கடைந்தேற்றும் முகம் காட்டினாய்
வழிதேடும் ஞானியர் விண்ணொளி நோக்கினார் – உன்
ஒளிதேடி வருவோரின் வழி மாற்றினாய்
துணையாக வந்து என் துயர் போக்கும் தெய்வம்
பிணையாக நின்று என் உயிர் மீட்கிறாய் (2)
தொழுவோரம் பிறந்தாலும் தொழுதேத்தும் என் தெய்வம்
ஆராரோ… ஆராரோ… ஆராரோ… ஆராரிரோ…
பொன் முகத்தில் புன்னகையோ!
புதுயுகத்தின் முகவரியோ!
இன்னல் தீர்க்க வந்த
கன்னல் கனிரசமே! – என்
உள்ளம் திறந்து வைத்தேன்!
பிள்ளாய் பிறந்து நீ வா!
புதுவானில் புகழ் பாடும் இறைத் தூதர்கள் – இப்
புவிமீதில் புதுவாழ்வின் ஒளிக்கோலங்கள்
இறைவாக்கு நிறைவேற வடிவாகினாய் – நல்
உறவாக என் வீட்டில் குடியேறினாய்
குடில் தேடி வந்து என் குலம் வாழ வைத்தாய்
அறம் சூடும் நெஞ்சில் நீ அருள் செய்கிறாய் (2)
ஆராரோ நான் பாடி ஆறாகும் பேரின்பம்
ஆராரோ… ஆராரோ… ஆராரோ… ஆராரிரோ
கண்ணான கண்ணே கன்னி மரி பாடல் வரிகள், Kannana Kanne Kanni Mari Lyrics